ماسكرا مبيلين من اجمل المسكرات خصوصاً اللي ماتركب رموش تعطي كثافه ومظهر جميل و رموش زي الاصطناعيه
سوادها فحم . و سريعه و ماتكتل بس فيها شي غريب تظهر تحت العين مادري ليش . اللي عندها الحل ياليت تقول نفيد ونستفيد .
السبت، 23 يوليو 2016
سكراب ناتشرز باونتيي
موضوعي هذا المساء عن كريم نايتشرز باونتي
كريم سنفره للوجه و الجسم
مكوناته :
من خلاصة المشمش يعطي الجلد النشاط ويجعله دائماً متألقا و مظهر جميل ونظيف وحيوي من هذا الكريم تقدري تزيلي القشور الباهته ع الجلد .
طريقة استعماله:
استعملي بعد ماتبللي الوجه والجسم تحطي على وجهك وتفركي بحركه دائريه جداً خفيفه انتبهوا مو فرك قوي عشان ماينخدش الجلد و يتضرر اكثر من انه يستفيد ممكن تستعمليه قبل او خلال الحمام المغربي .
من فوايده العجييييبه يشيل الرؤوس السواد الموجوده بالانف . بشرتك بعده بتحسي كأنها بشرة بيبي .
يعطي صفاء للبشره ونظااااااافه.
فيه نكهات ثانيه بس انا هذا اللي جربته .
كل معلومه انقلها لكم بصدق وشفافيه ومجربه اولاً. وشكراً.
طريقة مكياتو ☕️😍😍😋
اول حاجه حابه اتكلم فيها عن ماكينة نسبريسو العجييييييبه
سريعه لذيذه تستخدم كذا طريقه معاها.
اليوم حابه اتكلم عن طريقة مكياتو
اول شي تحطي قهوه بعدين تصبي فيها رغوة الحليب ويفضل حليب نادك لان فيه رغوه
وبعدها اضيفي السكر او حسب الرغبه وقلبيها كويس عشان يتجانس الحليب مع القهوه وتطلع عجيبه
ترا في كذا نوع لقهوة نسبريسو ممكن تختاري اللي انتي حابته
وتستخدميه . غير كذا في كذا وصفه للقهوه فيه لاتيه فيه كابتشينو و فيه اسبريسو . لو قدرت بتكلم عن كل طريقه شلون .
وبس حبيت اشاركم قهوتي وشكراً.
الأربعاء، 13 يوليو 2016
طريقة تنظيف الفرش 💄💄💄💋
تنظيف الفرش يعتبر من الاساسيات لنظافة الميك اب
لان مجرد استخدام فرش سبق استخدمتيها ومانظفتيها انتي كذا جالسه تدمري بشرتك بنفسك
ف لازم العنايه الاسبوعيه يعني لو كنتي يومياً تستخدميها اقل شي تغسليها مرتين بالاسبوع عشان ماتضري بشرتك
وتطلع لك حبوب في وجهك .
احياناً البعض يستخدم الفرش يومياً وماتغسل الا كل شهرين
ويقولو ليش بشرتنا تعبانه . بغض النظر على اللي بشرتها اصلاً متضرره .
اول شي اللي بشرتها متضرره لا تستخدمي ميك اب كذا تزيدي المشكله اكثر تعقيد .
اول شي نعالج البشره
ثاني شي نشرب مويه كثير
ثالث شي واقي الشمس جداً ضروري نستخدمه. 
نرجع لطريقة تنظيف الفرش :
نستخدم شامبو بيبي جونسون يفضل هو فقط الشامبوات الثانيه ماافضلها
ناخذ الفرش ونبدأ بوحده وحده
ناخذ الفرشه نحطها ع راحة اليد مع قليل من الشامبو ونبللها بالمويه ونفرك بشويييييييش الفرشه امام خلف امام خلف ونشطف بالمويه ونرجع نحط شامبو ونكرر نفس الحركه بس انتبهي تخلي الفرشه منبسطه مررره تخرب بهذي الطريقه كوني حريصه وانتي تغسليها بعدين لما تتأكدي ان المويه صفيت في يدك كذا الفرشه نظفت تضغطي بيدك ع الفرشه كانك بتلومي شعرها عشان ماتنفش بعد الغسيل وانتظريها تجف على فوطه نظيفه او بالمجفف وبس . اتمنى اكون وصلت المعلومه
الأحد، 3 يوليو 2016
ماسك الشوكلاته🍫🍫🍫😩😩
اليوم حنتكلم عن ماسك الشوكلاته العجييييب
مكوناته : ملعقه طعام من مسحوق الكاكاو
ملعقتين طعام لبن زبادي
ملعقه طعام من الشوفان
ملعقه صغيره من العسل
تخلط جميع المكونات و توضع على الوجه لمده من ١٥-٢٠ دقيقه
وتغسل بماء فاتر ويفضل مسحها بفوطه مبتله ويرطب بعدها الوجه بأي مرطب لديك .
فوائد الكاكاو للبشره :
مضاد للاكسده
يحسن البشره و يرطبها
يعزز من نمو الخلايا
الزبادي مرطب جيد للبشره
العسل مفيد جداً لحروق الشمس
مضاد للميكروبات
الشوفان يعتبر من افضل المرطبات للبشره يعطي نعومه فائقه
مساعد جيد في تتظيف المسام
فوائده جداً جميييله قبل ذلك يفضل اختبار البشره .
على منطقه صغيره من الوجه .
الجمعة، 1 يوليو 2016
اليوم بنتكلم عن سكراب (مقشر) القهوه
هذا السكراب جدأ ممتاز و جميل ومريح واعتقد الكل عنده مكوناته بالبيت و غير مكلف و هذا الاجمل في متناول الجميع
بقولكم الاول مكوناته وبعدين فوائده على الجسم بصفه عامه
ثلاث ملاعق طعام قهوه تركيه مطحونه
ملعقه وحده سكر ممكن ابيض او بني
3 ملاعق طعام زيت زيتون او ممكن تحطي زيت جوز الهند او اي زيت تحبيه
اخلطي جميع المكونات مع بعض ممكن لو زادت الكميه تحتفظي بالباقي بالثلاجه بعيد عن المويه لان لو جات رشة مويه تخرب السكراب
نجي لطريقة الاستخدام تبللي جسمك بمويه دافيه وبعدين تبدئي من الوجه تحطي السكراب للرقبه للاكتاف لاخر الجسم
اهم شي اماكن تواجد السيلوليت بالجسم و معناتها الخطوط البيضا بالجسم تفركيها كويس بحركه خفيفه كل الجسم فرك خفيف بدون خدوش عشان مايسبب مشاكل بالجلد .
بعد كذاا يجلس ربع ساعه و ممكن لحد ماينشف وتغسله بالمويه عادي وتكملي استحمام.
ايش فوائده:
يفتح البشره ويشدها
ينعمها
يخلصها من الجلد الميت
يخفف من السيلوليت
يقال انها تخفف من مشكلة الحبوب صراحة مو متأكده من هذا شي بس ممكن لان القهوه مضاده للاكسده و جميله جدا للبشره
يعتبر هذا السكراب نفس مقشر فرانك .
هذي معلوماتي لليوم شكراأ
الاشتراك في:
الرسائل (Atom)